எதை எதையோ தேடி தேடி அலைகிறது
எனது கால்கள்...
அந்த தேடலில்
ஒரு சுவாரஸ்யமான இடத்தையும்
அடைய இயலாமல்
சலித்து அமரும் நேரத்தில்
அந்த இடத்தில் நான் தேடிய
அற்புத நிகழ்வொன்று
சத்தம் இல்லாமல்
அரங்கேறி வருகிறது...
அதை பார்த்து
சிரித்துக் கொள்கிறேன்...
இத்தனை தூரம்
பயணித்து பயணித்து
கால்கள் ஓய்ந்து இருக்க வேண்டாமே
என்று...
ஒரு அர்த்தமும் தேவையில்லை
நாம் வாழும் வாழ்க்கைக்கு...
இதோ அப்படியே நம்மை உள்வாங்கி கரைக்கும்
இந்த நொடியை தவிர
வேறென்ன அற்புதம்
இங்கே நிகழ்ந்து விட போகிறது
என்று
ஒரு தேறுதல் தான்
என்னை கைபிடித்து
வழி நடத்தி செல்கிறது..
நானும் இலகுவாக பயணிக்கிறேன்
வாழ்வெனும் அந்த நீண்ட நீண்ட
சாலையில்...
#வாழ்வின்அற்புதம்.
#இளையவேணிகிருஷ்ணா.
கருத்துகள் இல்லை:
கருத்துரையிடுக