சம்சாரம் எனும் காடு

 

பனிக் குடம் உடைந்து

உயிர் ஜனிப்பதை

கொண்டாடி தீர்க்கிறோம்

இங்கே...

அந்த கொண்டாட்டத்தின் 

துயரம் இங்கே

சம்சாரம் எனும் காட்டில்

அலைந்து திரியும் கொடுமை

இங்கே எவர் அறியக் கூடும்?

#சம்சாரமெனும்காடு.

#இளையவேணிகிருஷ்ணா.

கோரமான ஈரம்

 

அந்த வெற்று நிழலில்

இளைப்பாற தேடுதலின்

கொடுமை இங்கே

எவரும் அறிய முடியாது..

உண்மையில் 

ஒன்றும் அறியாத

எவரோ ஒருவர் இங்கே

ஆழ்ந்த பாதிப்புகளை

எதிர்க் கொண்டு

எதுவுமே நடவாதது போல

நடந்துக் கொள்ளும்

ஒரு நிகழ்வை அந்த ஒருவர்

எதிர்கொள்வது எவ்வளவு

பெரிய கொடுமை என்று

எத்தனை கோடி விளக்கங்கள் கொடுத்தாலும்

கேட்பவர்களுக்கு புரிய வைக்க இயலாது...

இங்கே அவர்கள் ஒரு கதை கேட்பது போல

கடந்து

சென்று விடுகிறார்கள்

என் நிகழ்வை...

அந்த நிகழ்வின்

கோரமான ஈரத்தை

சுமந்து திரிகிறேன்

ஒரு அநாதையாக...

உண்மையில் அந்த கோர ஈரத்தை நான் மகிழ்வோடு

ஆனந்தமாக சுமந்து திரிகிறேன்...

இங்கே அது மட்டுமே நிதர்சனம்...

#இளையவேணிகிருஷ்ணா.

கனவெனும் சாம்ராஜ்யம்

நிகழ்கால கனவுக்குள்

ஓடிக் கொண்டே இருக்கிறேன்

ஒன்று கனவு

மெய்ப்பட வேண்டும்

அல்லது கனவு கலையாமல்

அப்படியே

எனது கண்களுக்குள்

சிறையாக வேண்டும்..

தேவைகளே கனவுகளாக

இருந்துவிடக்கூடாது

என்று போராட்டம் இங்கே

கனவுகளே தேவைகளை

உருவாக்கக் கூடாது என்றும்

இங்கே ஒரு போராட்டம்..

இரண்டுக்கும் இடையில்

பெரும் போராட்டம் ஏதும் நடந்து விடாமல் பார்த்துக் கொள்வதில்

எனது சாமார்த்தியம் அங்கே

மதிப்பிடப்படுகிறது..

வெல்வேனா தோற்பேனா என்று

எனக்கு தெரியாது..

இரண்டையும் கடந்து வாழ்வதே

வாழ்க்கை இங்கே என்று

என்னுள் இருக்கும் ஒருத்தி மட்டும்

ஓயாமல்

முணுமுணுப்பது மட்டும் என் செவிகளுக்கு கேட்கிறது...

#இளையவேணிகிருஷ்ணா.