என் ரகசியம் எங்கே
என்று கொஞ்சம் நிதானமாக
தேடியலைகிறேன்...
மெலிதான வெளிச்சம்
என்னை நினைத்து
கவலைக் கொள்கிறது...
எந்த ரகசியமும் வெளிப்பட்டவுடன்
சுவாரஸ்யமாக இருக்க போவதில்லை
என்றாலும் அந்த ரகசியத்தின்
சுவையை
விட்டு விட மனமில்லாமல்
பயணிக்கிறேன்...
இரவின் துணைக் கொண்டு
அந்த ரகசியம் வெளிப்பட்டு விடுமா
இல்லை இரவின் இருளில்
புதைந்து போகுமா?
விடை தெரியாத பயணம் ஒன்றின்
சுவாரஸ்யம் மட்டும்
குறையாமல் பயணிக்கும்
என்னை பார்த்து இந்த இரவு
ஆச்சரியம் அடைகிறது!!
#இளையவேணிகிருஷ்ணா.
கருத்துகள் இல்லை:
கருத்துரையிடுக