அங்கே
வாழ்வெனும் மதுவை கணக்கற்ற நிலையில்
பருகி போதை ஏறாமல்
தவிக்கிறான் ஒருவன்...
இங்கே
இறப்பெனும்
ஒரு துளி அமிர்தத்தை
பருகி...
போதையேறி ஆனந்த தாண்டவம் புரிகிறான்...
இன்னொருவன்...
இங்கே இதெப்படி சாத்தியம்
என்று கேள்வி கேட்டு
சலசலப்புடன் நகரும்
மக்களுக்கு தெரியாது
போதை என்பது
விகாரமற்ற மனதின்
வெளிப்பாடு என்பது...
#இளையவேணிகிருஷ்ணா.
எந்தவித போதையும்
இல்லாத
ஓர் போதை இங்கே
எனக்கு வேண்டும்..
அத்தனை வஸ்துவின்
போதையையும்
ஒரு விசயம் தர வேண்டும்
அதுவும் போதையை
கடந்த போதையாக
என்னுள் இறங்க வேண்டும்..
எந்தவித மயக்கத்திலும்
திளைத்து விடாத
போதையாக வேண்டும்..
அந்த போதை வசப்பட
நான் என்ன செய்ய வேண்டும்
இப்படி வேண்டும் வேண்டும்
ஆயிரம் ஆயிரம் வேண்டும்
வேண்டாத விசயம்
இங்கே சாத்தியமில்லை
என்று தெரிந்தபின்னும்
வேண்டும் வேண்டும் என்று
ஆர்ப்பரிக்கும் மனதை
கொஞ்சம் கட்டிப் போட
வித்தை ஒன்று வேண்டும்..
#இளையவேணிகிருஷ்ணா.
இன்றைய தலையங்கம்:- யாரோ பிரிகிறார்கள் சேர்கிறார்கள்... ஏன் அவர்கள் தனிப்பட்ட வாழ்வில் பொது ஜனங்கள் தலையிட்டு ஏதேதோ கருத்து சொல்லி அவர்களை ...
