இந்த பிரபஞ்சத்தில் இந்த இரவு
மிகவும் அழகானது!
இங்கே பாருங்கள்...
இந்த இரவு அங்கே
சில நட்சத்திரங்களை
என்னோடு உரையாட அனுமதித்து
இருக்கிறது!
இங்கே காலையில் ஒரு மனிதர்
என்னோடு சில வார்த்தைகள்
பேசிக் கொண்டு இருக்கும் போதே
அங்கே அவர் சம்பந்தப்பட்ட
யாரோயொருவர் அவரை
கோபமாக அழைத்தார்
அங்கே அந்த வெட்டி மனிதனோடு
உங்களுக்கு என்ன பேச்சு
என்று கேட்பது போல இருந்தது
இப்போது சொல்லுங்கள்
இந்த பிரபஞ்சத்தில் இந்த இரவு
சில விண்மீன்களை
பேச அனுமதித்து இருக்கிறதே!
இது உண்மையில்
பெருந்தன்மை தானே மனிதர்களே!!
#இளையவேணிகிருஷ்ணா.
.webp)
கருத்துகள் இல்லை:
கருத்துரையிடுக