இரவின் நேசன்

 

இங்கே பல வேடிக்கை மனிதர்கள்

இரவை நேசித்து நெடுந்தூரம்

தனிமையில் சாலையில்

நடந்து அந்த இரவின்

நுண்ணிய இசையில்

தன்னை கரைத்துக் கொண்டு

இருளின் வேடிக்கையை

புன்னகைத்து ரசித்து

சாலையில் சற்று முன்

பெய்த மழையின் ஈரத்தை

மறந்து விடாமல் வெறும் பாதங்களில்

இலேசாக முத்தமிட்டு

சாலையோர தெரு விளக்கின்

மென்மையான ஸ்பரிசத்தில் 

நனைந்து

காலத்தின் நிகழ்வில் கரைந்து விட

மனமில்லாமல் கரைகிறார்கள்..

யார் இவர்கள் என்று 

இரவு பூச்சிகள்

யோசனையோடு 

ஆச்சரியமாக கவனிக்கிறது...

அவர்கள் எந்த நிகழ்விலும் தொலையாமல்

பயணிக்க கற்றுக் கொண்ட

விசித்திரமான மனிதர்கள்..

#இளையவேணிகிருஷ்ணா.