நான் கேட்பது யாரும் இல்லாத தனிமை .உங்களுடன் அலைபேசி இல்லாத தனிமை.உங்களுக்கு பிடித்தமானவர்கள் கூட இல்லாத தனிமை.உங்கள் நினைவுகள் கடந்ததை நினைத்து அசைப்போடாத தனிமை.
மற்றவர்கள் உங்களை என்றோவொரு நாள் ஏமாற்றி இருக்கலாம். அவை எல்லாம் நினைவுகுவியலாக இல்லாத தனிமை.மொத்தத்தில் நிகழ்காலத்தில் ரசித்து வாழ தெரிந்த தனிமையை நான் சொல்கிறேன்.
நான் உங்களிடம் உரிமையுடன் ஒன்றை சொல்லட்டுமா?கடந்த கால கசப்பான அனுபவமோ இனிப்பான அனுபமோ எதுவாக இருந்தாலும் ஒதுக்கி தள்ளுங்கள். எந்த கசடுகளையும் உங்கள் மனதில் தேக்காதீர்கள்.உற்சாகமாக இருங்கள். இப்போது கிடைக்கும் தனிமையை இன்பமான தருணங்களாக மாற்றுங்கள். சூழல் மோசமாக இருந்தாலும் நொடிக்குள் அதை நல்ல சூழலாக மாற்றுங்கள். பொருட்களை நம்பிதான் உங்களுக்கு இனிமை என்பது இல்லை.
எந்த வஸ்துவோ நபரோ பொருளோ ஏன் பணமோ உங்களுக்கு இனிமையை தரமுடியாது.
நீங்கள் மட்டுமே உங்களுக்கு இனிமையை தரமுடியும். தனிமையை அனுபவியுங்கள்.உங்களை சுற்றி உள்ள இயற்கையை கூர்ந்து கவனியுங்கள். ரசிக்க செய்யுங்கள். மிக மிக அமைதியாக மனதை வைத்துக்கொள்ளுங்கள்.
உங்கள் தனிமையில் இனிமையான புல்லாங்குழல் இசை வீணை இசையை மட்டும் சேர்த்துக்கொள்ளுங்கள்.நான் சொன்னதை ஒரு மாதம் மட்டும் உங்கள் வேலை நேரம் போக கடைபிடித்து பாருங்கள். உங்களுக்குள் ஒரு மாபெரும் சக்தி உருவாவதை காண்பீர்கள். இது என் அனுபவத்தில் கண்ட உண்மை. என்ன ஆனந்தமான வாழ்க்கைக்கு இப்போது நீங்களும் தயாராகிவிட்டீர்கள் அப்படி தானே.!!
#இளையவேணிகிருஷ்ணா.
.webp)
கருத்துகள் இல்லை:
கருத்துரையிடுக