முடிய போகும் இந்த ஆங்கில வருடத்தில் கடந்து வந்த பாதையை கொஞ்சம் அசைப்போடுகிறேன்... ஒன்றும் புதிதாக செய்யவில்லை... வழக்கம் போல காலண்டரில் உள்ள காகிதங்கள் கிழிப்பட்டு குப்பைக்கு போனது.. நான் மட்டும் குப்பைக்கு போகாமல் தப்பித்து கொண்டே இருக்கிறேன்...
உருண்டோடி போகிறது காலம்... ஆனால் இனி இலட்சியம் என்று ஒன்றும் இல்லாமல் பயணிப்பதே வாழ்க்கை சுகம் கொடுக்கும்.. ஏனெனில் மீதி இருக்கும் காலத்தில் ஒவ்வொரு நொடியும் அது என்னை எப்படி நகர்த்துகிறதோ அப்படியே செல்வதே ஆனந்தம் கொடுக்கும் என்று நினைக்கிறேன்.
இது வரையும் அப்படி தான் இருந்து இருக்கிறேன்.. ஏதேனும் நான் கடந்த காலத்தில் சாதித்து இருந்தால் அது என் ஆழ் மன தேடலின் வெளிப்பாடாக தான் இருந்திருக்கும்..இனி அப்படி எதுவும் இல்லாமல் காலத்தின் போக்கில் திட்டமிடாமல் புத்துணர்ச்சியுடன் ஒவ்வொரு நொடியிலும் கலந்து அனுபவிக்க போகின்றேன்... புதுமையான ஒரு பயணத்தின் தொடக்கம்... இன்னும் நெடுந்தூர பயணம் என்றே நினைக்கிறேன்... களைப்படைந்து விடாமல் இறுதி வரை பயணிப்பேனா என்று காலம் கவலைக் கொள்கிறது... அப்படி ஒன்றும் வயதாகவில்லை காலமே என்று காலத்தின் கேள்விக்கு புன்னகையோடு பதில் அளித்து பயணிக்கிறேன்...
பார்க்கலாம்... எத்தனை சுவாரஸ்யம் மற்றும் ரகசியங்கள் எதிர் வரும் ஆங்கில புத்தாண்டில் எனக்கு காத்திருக்கிறது என்று...🎉🌿🎉.
#கரைந்துசென்றகாலங்கள்.
#இளையவேணிகிருஷ்ணா.
கருத்துகள் இல்லை:
கருத்துரையிடுக