விவசாயிகளின் பசி போக்கும் மழை:-
மாயநதியின் ஈரம்
தாகத்தை தீர்க்காது..
விண் விட்டு மண்ணை நனைத்து
பயிர் செழிக்க வந்த மழையை
பாராமுகமாக சமுத்திரத்தில்
கலக்க விட்டு
கண் கலங்கி நிற்கும்
பேதை மனிதர்களே!
உங்கள் உன்னதமற்ற
அந்த செயலால்
பெய்யும் மழையின்
உயிர் வலியை
என்று நீங்கள் உணரக் கூடும்?
பசியின் கொடுமையால்
இந்த பிரபஞ்சம்
பற்றி எரியும் போதா?
விண் அமுதம் கொண்டு
பசி தீர்க்க முனையும்
விவசாயியின்
கண்களில் வழியும்
கண்ணீரை எவரோ
துடைக்க முனையக் கூடும் என்று காத்திருக்கிறார்கள்
அங்கே பல விவசாயிகள்
கண்களில் நம்பிக்கையோடு..
#இளையவேணிகிருஷ்ணா.
சகி சொல்வதும் சரிதான்
பதிலளிநீக்கு