நீ இயல்பாக இரு
இயல்பை தொலைத்து பயணிப்பதால் தொலைந்து போய் விடுவாய் என்கிறேன் நான் அங்கே ஒருவரிடம்...
அவர் என்னை பரிதாபமாக பார்த்து விட்டு சொல்கிறார்...
உன்னை போல கிறுக்குப் தனமாக சுற்றி திரிந்த நாட்களில் நான் நானாக சுகமாக இதோ இந்த வாழ்வில் பயணித்தேன்...
இப்போது சில பல முகமூடிகள்
போட்டுக் கொண்டு இன்பமாக இருப்பதாக காட்டிக் கொண்டு பயணிக்கிறேன்...
நான் இயல்பை துறந்து எதிர் காற்றில் பயணித்து களைத்து கிடக்கிறேன்...
நீ கொஞ்சம் ஓரமாக போய்
உன் இயல்பு கதைகளை பேசிக் கொண்டு இரு...
அங்கே எவரேனும் உன் இயல்பை தூக்கி தூரமாக எறிந்து விட்டு உன்னை மட்டும் தரதரவென இழுத்து செல்ல வரக் கூடும்...
அப்போது நீ கதறுவதை
இதோ நம்மை தீண்டும் காற்று நமது பைத்தியக்காரத்தனமான இந்த தீங்குரலை
எடுத்துச் சென்று
வேறு ஒரு நம்மை போன்ற கிறுக்குப் தனமான நபரிடம் சேர்க்கக் கூடும் என்றார்..
#வாழ்க்கை
#யதார்த்தம்
#இசைச்சாரல்வானொலி.
#இளையவேணிகிருஷ்ணா.
நாள்:02/11/23.
நேரம்:10:22முன்னிரவு.
கருத்துகள் இல்லை:
கருத்துரையிடுக