இங்கே நான் வகுத்து வைத்த
எந்த விதியிலும்
நீ பொருந்தவில்லையே
என்று
என்னை இழுத்துச் சென்ற
காலம் களைத்து போய்
சொன்னது...
அதைத் தான் நான்
உன்னிடம் பலமுறை
சொல்ல முயற்சி செய்தேன்
நான் பேசும் போதெல்லாம்
உஸ்.. பேசாமல் வா
என்று அதட்டி உருட்டி
இழுத்து வந்து விட்டு
இப்போது என்மீதே
பழி போடுகிறாய்...
நான் என்ன செய்ய இயலும் என்று
நான் காலம் இழுத்து வந்த
களைப்பில் முனகுகிறேன்...
#வாழ்வியல்கவிதை
#இளையவேணிகிருஷ்ணா.
கருத்துகள் இல்லை:
கருத்துரையிடுக