அன்பர்களே வணக்கம்.
இன்று நாம் பார்க்க இருப்பது ஏமாற்றங்கள். நாம் ஒவ்வொருவரும் எதன்மூலமாகவோ யார் மூலமாகவோ ஏதோவொரு வகையில் ஏமாற்றத்தை சந்திக்கிறோம்.இதை நாம் தவிர்க்க முடியாது. ஆனால் இந்த ஏமாற்றங்களால் நாம் சோர்ந்து விடுகிறோம். இதுதான் நாம் செய்யும் தவறு.
வாழ்க்கையில் சாதித்தவர்கள் எவரும் தோற்காமல் ஏமாற்றங்களை சந்திக்காமல் சாதனை புரிந்தது இல்லை. நாம் அவர்களின் சாதனைகளை மட்டும் எடுத்து கொண்டு அந்த சாதனைக்காக அவர்கள் சந்தித்த ஏமாற்றங்களை மறந்து விடுகிறோம். அவர்கள் சொன்னாலும் நாம் ஏற்று கொள்ள தயங்குகிறோம்.
வெற்றி என்பது எப்போதும் ஏமாற்றங்களை உரமாக ஏற்றுதான் நமக்கு கிடைக்கும். அதற்கு நமக்கு பொறுமை மிகவும் அவசியம். ஆனால் நாம் செய்யும் செயல்களில் உடனே வெற்றியை எதிர்பார்ப்பதும் ஏமாற்றங்கள் இல்லாமல் கிடைக்க வேண்டும் என்று நினைப்பது தான் தவறு.
நாம் அனைவரும் ஏதோவொன்றை நிறைவேற்ற சாதிக்கவே இந்த பூமிக்கு வந்துள்ளோம். அதனால் தாமதங்களால் எப்போதும் சோர்வடையக்கூடாது.மிகவும் நேர்த்தியாக காரியம் முடித்து காத்திருக்கும் கலையை கற்க வேண்டும். வெற்றிக்காக காத்திருத்தல் என்பது ஒரு சுகமாக உணர வேண்டும்.
ஏமாற்றங்களை வெற்றிக்கான உரமாக மண்ணில் போட்டு விட்டு நாம் காத்திருப்போம் வெற்றிக்காக.ஏமாற்றங்களின் மூலம் வரும் வெற்றியே நமக்கு நீடித்து இருக்கும். ஏற்றங்கள் பல தரும் ஏமாற்றங்களை வெறுக்காமல் அதை நமக்கு கிடைத்த அனுபவமாக எடுத்து கொண்டால் நாம் வாழ்வில் எப்போதும் ஆனந்தமாக இருப்போம்.
என்ன அன்பர்களே ஆனந்தமாக வாழ நீங்கள் தயார் தானே!
எல்லோரும் இன்புற்று இருக்க அல்லாமல்.
கருத்துகள் இல்லை:
கருத்துரையிடுக