அந்த நள்ளிரவு வேளையில்
திடீரென ஏதோ கனவொன்று கண்டு
திடுக்கிட்டு எழுந்து
கொஞ்சம்
ஆசுவாசப்படுத்திக் கொண்டு
மின் விளக்கை போடும் போது
எனது அறையில் நடுவில் தரையில் கொஞ்சம் சுதந்திரமாக உறங்கிக் கொண்டிருந்த பல்லி திடுக்கிட்டு எழுந்து தடதடவென ஊர்ந்து சுவரில்
வேக வேகமாக போக எத்தனித்து ஓரிரு முறை கீழே விழுந்ததை
பார்க்கும் போது அந்த மோசமான கனவிலேயே
நம்மை நாமே தேற்றிக் கொண்டு எழாமல் உறங்கி இருக்கலாமோ என்று
எண்ண வைத்து விடுகிறது...
இளைப்பாறுதல் இங்கே
தற்போதைய நிலையில்
தொடர் ஆசுவாசமான நேரமாக நம்மோடு பயணிப்பதற்கு சில பல புண்ணியங்கள் செய்து இருக்க வேண்டும் போல என்று மீண்டும் உறக்கத்தை வரவழைக்க போராடி தோற்பது நான் மட்டும் அல்ல...
அந்த 🦎 பல்லியும் தான்...
#சக #ஜீவ ராசியின் #இளைப்பாறுதல்.
#இளையவேணிகிருஷ்ணா.
நாள் 21/05/24.
செவ்வாய் கிழமை.
முன்னிரவு பொழுது 10:35.
கருத்துகள் இல்லை:
கருத்துரையிடுக