அந்த கண்ணாடி டம்ளரில்
பொங்கி வழிந்து குதூகலித்து
எனை சீண்டல் பார்வையில்
பெரும் போதையூட்டி
அழைக்கிறது வோட்கா!
நானும் என்னை கொஞ்சம்
ஆசுவாசப்படுத்திக் கொள்ள
மிடறு மிடறாக பருகி
அதனிடம் காதல் மொழிகளை பேசி
சரிகிறேன்...
என் மீது வழிந்தோடும்
அந்த திரவமோ
இது போல பல ஆயிரம் கதைகளை
கேட்டும் சலிக்காமல்
என் கன்னத்தில்
ஒரு பெரும் முத்தத்தை
கொடுத்து அதன் மடியில்
உறங்க செய்து அந்த இரவை
கண்ணீரில் நனைத்து
எனக்காக பிரார்த்தனை செய்து
என்னை அரவணைத்து
விடியும் நேரத்தில்
கொஞ்சம் கண்ணயர்ந்து
துயில் கொள்கிறது!
#இளையவேணிகிருஷ்ணா.
நாள் 24/12/24
நேரம் அந்தி மயங்கும் வேளையில்
கருத்துகள் இல்லை:
கருத்துரையிடுக