பெரும் போரின் உக்கிரத்தை தணித்து...

 நீயோ குருட்டு பிடிவாதத்தால்

எவரின் தூண்டுதலாலோ

விலகி விலகி பயணிக்கிறாய் 

என்னிடம் இருந்து...

அந்த உக்ரைனை போல...

நானோ உன்னை 

என் பேரன்பின் கட்டுக்குள் வைக்க 

போராடி தீர்க்கிறேன்

அந்த ரஷ்யாவை போல...

என் பேரன்பின் தீர்க்கம் 

பெரும் வலுவான பிடிமானம் 

கொண்டது 

அந்த ரஷ்யாவின் 

பேரண்ட பிடிமானத்தை 

இறுக செய்யும் 

நிகழ்வினை ஒத்த 

எந்த எல்லைக்கும் செல்வதற்குள் 

நீயாகவே 

என் கைகளுக்குள் 

தஞ்சமடைந்து விடு...

பெரும் போரின் உக்கிரத்தை 

தணித்து விட்ட பெரும் புண்ணியம் 

உன்னை சேரட்டும்...

#டைமிங் #கவிதை.

#இளையவேணிகிருஷ்ணா.

நாள் 23/11/24/சனிக்கிழமை.

அந்த பிடடிமானமற்ற தனிமையில்...

அந்த பிடிமானமற்ற 

தனிமையில் தான் 

ஆயிரம் ஆயிரம் 

ஆழ்ந்த தேடலின் சுவடுகள் எனை 

கொஞ்சம் நிதானமாக 

கடந்து கடந்து போகிறது...

நானும் நிதானமாக அது 

கற்றுக் கொடுக்கும் 

ஆழ்ந்த கல்வியை 

கற்றுக் கொண்டு 

இருக்கும் போதே 

என் கவனத்தை திசை திருப்பி 

வழி எங்கும் 

லௌகீக விதைகளை தூவி 

செல்வதை நீங்கள் 

நிறுத்தி விடுங்கள்...

ஏனெனில் நான் அதிலிருந்து 

பல கோடி மைல்கள் கடந்து 

வந்து விட்டேன்...

நீங்கள் எனை துரத்தி துரத்தி 

சோர்ந்து விடாதீர்கள்...

ஏனெனில் வழி எங்கும் 

உங்கள் சோர்வை தணிக்க 

பானம் ஏதும் அங்கே கிடைக்க போவதில்லை என்பதை 

நீங்கள் கவனம் வையுங்கள்...

#இளையவேணிகிருஷ்ணா

நாள் 20/11/24/புதன்கிழமை.

பிரிவதும் சேர்வதும் இங்கே...

பிரிவதும் சேர்வதும் 

இங்கே சிலாகித்து 

பேசப்படுகிறது...

இதற்கிடையே 

ஒரு மெல்லிய அன்பின் 

சிலாகிப்பை... 

அந்த இருவரின் ஆழ் மனதில் 

அமிழ்ந்து துடிக்கும் வேதனையை...

இங்கே 

யார் அறியக் கூடும்...

#இளையவேணிகிருஷ்ணா.

நாள் 20/11/24/புதன்கிழமை.

அந்த கட்டமைக்கப்பட்ட பிம்மத்தின் பிடியில்...

அந்த கட்டமைக்கப்பட்ட 

பிம்மத்தின் பிடியில் இருந்து 

திமிரி வெளியே வர 

ஆயிரம் ஆயிரம் பிரயத்தனங்களை 

செய்து அசந்து போய் 

கண்ணீரோடு அமர்கிறேன்...

என் அருகே ஒரு பட்டாம்பூச்சியோ

எந்தவித பிரயத்தனமும் 

இல்லாமல் என் தோளை 

மிகவும் மிகவும் மிருதுவாக உரசி 

பறந்து செல்வதை பார்த்து 

கொஞ்சம் ஆசுவாசம் கொண்டு 

எழும் போது என் மீது 

கட்டமைக்கப்பட்ட 

அந்த பிம்பத்தின் பிடி இலகுவாகி 

எனை கொஞ்சம் கொஞ்சமாக 

அதன் பிடியில் இருந்து 

விடுவிக்கிறது...

விடுவிக்கப்பட்ட அடுத்த நொடியே 

அந்த பட்டாம்பூச்சி சென்ற பாதையில் 

ஓடும் போது கொஞ்சம் நில் 

என்ற சத்தத்துடன் காலம் 

எனை கை நீட்டி தடுப்பதில் 

கொஞ்சம் எரிச்சல் அடைந்து 

என்ன என்று கோபமாக 

நிமிர்ந்து அதை கேள்வி 

கேட்கும் போது 

அதுவோ கொஞ்சமும் 

பதட்டம் இல்லாமல் 

தனது குறிப்பால் உணர்த்துகிறது 

என் கால்களில் மிதிப்பட்ட 

அத்தனை பூக்களின் வலியை...

நானோ இப்போது மீண்டும் 

அழுகிறேன்...

என் கால்களுக்கு இரையான 

அந்த பூக்களின் தேகத்தில் ஏற்பட்ட 

காயத்தில் இருந்து வழியும் 

உதிரம் கண்டு...

இங்கே எந்த கட்டமைப்பும் 

இல்லாமல் கூட பல வேதனைகள்

வகுக்கப்பட்டு விடுகிறது...

இங்கே நடக்கும் விதியின் போக்கில் 

திமிரி செல்ல எத்தனை எத்தனை 

சோதனைகள்...

#இளையவேணிகிருஷ்ணா.

நாள் 20/11/24/புதன்கிழமை.

 

பெரும்பாலான மக்கள் ஒளிந்துக் கொள்ளும் வார்த்தையான...

பல ஆயிரம் ஆயிரம் வேடிக்கைகளில்

இதுவும் ஒன்று...

வெளியே காட்டப்படும் பிம்மத்தில் 

மறைந்து இருக்கும் சூட்சுமத்தை 

இங்கே யார் அறியக் கூடும்?

அந்த பிம்பத்தின் நேர்த்தியில்

ஆயிரம் ஆயிரம் கொண்டாட்டங்கள் 

வடிவமைக்கப்படுவதை 

வேடிக்கை பார்த்து நான் 

சிரித்துக் கொள்வதை

பார்த்து காலம் 

என்ன புன்னகை என்று 

என்னிடம் கேள்வி எழுப்பும் போது

வழக்கம் போல 

பெரும்பாலான மக்கள் 

ஒளிந்துக் கொள்ளும் 

வார்த்தையான ஒன்றுமில்லையில்

நானும் ஒளிந்துக் கொள்கிறேன் 

தவிர்க்க முடியாமல்...

#இளையவேணிகிருஷ்ணா.

நாள் 20/11/24/புதன்கிழமை.

உறங்கும் முன் ஒரு சிந்தனை கதை இன்று/எந்நிலையிலும் கலங்காதே

 

இனிய இரவு வணக்கம் நேயர்களே 🙏.

உறங்கும் முன் ஒரு சிந்தனை கதையில் இன்று எந்நிலையிலும் கலங்காத மனதை பெற புத்தர் தனது சீடர்களுக்கு சொன்ன போதனை 

கீழேயுள்ள லிங்கில் கேட்டு மகிழலாம் வாருங்கள் நேயர்களே 🙏 🎻 ✨ 

https://youtu.be/fJAhasydiV4?si=HT0y_RJMpLraibhv

உறங்கும் முன் ஒரு சிந்தனை கதை/நீங்கள் நீங்களாகவே இருங்கள் ✨

 

வணக்கம் நேயர்களே 🙏 

உறங்கும் முன் ஒரு சிந்தனை கதை பதிவில் இன்று நீங்கள் நீங்களாகவே இருங்கள் அது தான் அழகாக இருக்கும் என்பதை உணர்த்தும் வகையில் பதிவு கீழேயுள்ள லிங்கில் கேட்டு மகிழலாம் வாருங்கள் நேயர்களே 🙏.

அனைவருக்கும் இனிமையான இரவு வணக்கம் 🙏 .

https://youtu.be/Td1k4h57QDg?si=kS-9Mxw2XLPfn7G3

இனிமையான உற்சாசமான காலை பயணம்

 

வணக்கம் நேயர்களே 🎉🥳😍.

இன்றைய பொழுது மிகவும் உற்சாகமாக செல்ல வாழ்த்துக்கள் 💐 

இன்றைய நாள் மிகவும் அருமையாக அமைய வாழ்த்துகள் 🎉 

கீழே உள்ள லிங்கில் 

காலை சிந்தனை கேட்டு கொண்டே தங்களது இனிமையான இன்றைய பயணத்தை தொடங்குங்கள் ☔🦋🤝🎉

https://youtu.be/KXMnbqKSAec?si=sIKjt2C-PkBhXrtY

அந்த மழையின் அபூர்வ இசையின் ஈரம் மட்டும்...

தீர்ந்துக் கொண்டே இருக்கும் 

இந்த நாளின் பொழுதுகளில் 

குறையாமல் 

தொடர்ந்துக் கொண்டே 

வருகிறது....

எனது வாழ்வின் 

சுவாரஸ்யமான தருணங்களும்...

இப்படியே சத்தம் இல்லாமல் 

முடிந்தது 

இந்த நாளின் பொழுது 

அதோ அங்கே கூடு தேடி 

மிகவும் நிதானமாக சிறகை விரித்து 

பறந்து சென்றது 

அந்த வானத்தை அளந்தபடி 

அங்கே ஒரு பறவை கூட்டம்...

அந்த அந்தி மாலையின் தூறலை 

அறிவித்தபடியே 

அங்கே சில பல தும்பிகள் கூட்டம் 

எனை உரசி செல்கிறது...

அங்கே மேற்கில் விழுந்துக் கொண்டு 

இருக்கிறது கொஞ்சம் வேகமாக 

ஐப்பசி மாதத்தின் கதிரவன் 

தன் பணியை திருப்தியாக முடித்த 

எண்ணத்தில்...

எந்த வெப்பத்தின் தாக்கத்தையும் 

இந்த பிரபஞ்சத்தின் ஜீவராசிகள் 

உணர்ந்து விடாமல்...

இங்கே நானும் 

அந்த வண்ணத்து பூச்சியும் மட்டும் 

இந்த இரவின் நீட்சியில் 

மழையின் நனைதலில் 

அந்த மேகங்கள் நள்ளிரவு வரை 

மீட்டிக் கொண்டு இருக்கும்

கேட்பாரற்ற 

அந்த அபூர்வ ராகங்களை

கேட்டுக் கொண்டே 

இருந்த வேளையில் கொஞ்சம் 

கொஞ்சமாக ஸ்வரம் குறைத்து 

விடை பெற்ற அந்த மழையின் 

அபூர்வ இசையின் ஈரம் மட்டும் 

என்னையும் 

அந்த வண்ணத்து பூச்சியின்

சிறகையும் விட்டு விலகாமல் 

பயணிக்கிறது...

#மழை நேர கவிதை.

#இளையவேணிகிருஷ்ணா.

நாள்:14/11/24/வியாழக்கிழமை.

சித்த நிலை யாதென்று புரிகின்ற வேளையில்...

சித்த நிலை யாதென்று 

புரிகின்ற வேளையில் 

சுவையுள்ள பதார்த்ததின் வாசம் 

நாசியை வசீகரிக்கிறது...

சுத்தமான ஆத்மாவின் 

தீராத தாகத்தை

கண்டுக்கொள்ளாமல் 

அந்த வேளையில் 

உதாசீனம் செய்து 

உருண்டோடி செல்லும் காலத்தை 

தினம் தினம் திட்டி தீர்க்கிறேன்...

அந்த ஆன்மாவின் தாகத்தை 

நான் தீர்க்க வழி இல்லாமல் 

நான் தவிக்கும் போது 

நீ ஏன் அதிவேகத்தில் 

இவ்வளவு அவசரம் கதியில் 

என்னை இழுத்து செல்கிறாய் 

என்று...

காலமோ எந்த பதிலும் சொல்லாமல் 

என்னிடம் இருந்து 

விடை பெறுகிறது 

ஒரு சிறு காலி கோப்பையின்

பெரும் தேவையான 

தேநீர் தாகத்தை 

இங்கே ஒரு துளி தேநீரில் 

தணிந்து விடுமா என்ன 

என்று மனதிற்குள் 

நினைத்துக் கொண்டு... 

#இரவு கவிதை 

#இளையவேணிகிருஷ்ணா.

நாள் 07/11/24/வியாழக்கிழமை.