இன்னும் பொழுது இருக்கிறது...

 

அங்கே காகம் தொடர்ந்து 

எனது வீட்டின் கூரை மீது 

அமர்ந்து வெகுநேரமாக 

கரைந்துக் கொண்டு 

இருக்கிறது ...

பாவம் அதற்கு தெரிய 

நியாயமில்லை 

விருந்தாளிகளின் வருகையை 

எனது அலைபேசி இன்னும் 

தனது கூவுதலில் எனக்கு 

தெரியப்படுத்தவே இல்லை என்று 

ஒரு வேளை காகம் 

உணர்த்தும் செய்தி 

உண்மையானால் நான் 

எனக்காக வைத்திருக்கும் 

அந்த கேழ்வரகு கூழை 

வரும் விருந்தாளிகள் மகிழ்ச்சியாக 

ஏற்றுக் கொள்வார்களா 

இல்லை என்  ஏழ்மை 

நிலைமையை பற்றி 

என் நெருக்கமான சொந்தங்களிடம் 

புறம் பேசுவார்களா 

பொறுத்து இருந்து தான் 

பார்க்க வேண்டும் 

இன்னும் பொழுது இருக்கிறது...

#ஞாயிறுகவிதை.

#இளையவேணிகிருஷ்ணா.

நாள் 15/09/24/ஞாயிற்றுக்கிழமை.

எமது உறவினர்