அந்த செல்லா காசின்
பெரும் விருப்பம்
தான் எப்படியேனும் செல்லும் காசாக
மாறி புதுப் பொலிவோடு
சகல மரியாதையுடன்
வாழ வேண்டும் என்பதே...
அதை நடைமுறைப்படுத்த
யார் யார் காலிலோ விழுந்து
கண்ணீரோடு மன்றாடுகிறது...
ஒருவரின் கருணையும் இல்லாமல்
மண்ணோடு மண்ணாக புதைகிறது...
மீண்டும் அந்த புது யுகத்தில்
யாரோ ஒரு பேரரசரின் கையில்
ரத்தினங்கள் பதிக்கப்பட்ட
மோதிரமாக அது பெரும் மகுடம்
சூட்டப்பட்டு பெரும் மதிப்பு
பெற்ற போது அதன் போன யுகத்தின்
நிலையில் தான் பரிதவித்த நினைவு
மின்னல் போல வந்து
செல்லும் போது
பெரும் ஆச்சரியம் அடைந்து
இந்த சாம்ராஜ்ஜியத்தின்
அடையாளமாக நானா என்று
ஒரு சிறு துளி
ஆர்ப்பாட்டம் இல்லாமல்
பேரமைதி கொண்டு
அந்த பேரரசரின் விரல்களின் வழியே
ஊடுருவி
இந்த பிரபஞ்சத்தில் நடக்கும்
நாடகங்களை வேடிக்கை
பார்க்கிறது...
#செல்லாகாசு.
#இளையவேணிகிருஷ்ணா.
நாள் 11/10/24/வெள்ளிக் கிழமை.
கருத்துகள் இல்லை:
கருத்துரையிடுக