அந்த வீட்டை போவோர் வருவோர்
எல்லாம் வாய்க்கு வந்தபடி எல்லாம்
கரித்துக் கொட்டுகிறார்கள்
வம்சம் இல்லாத வீடென்று...
இதை செவிமடுத்த
அந்த வீட்டில் வசித்து வந்த
சில பல பல்லிகள்
தாம் ஏராளமாக முட்டையிட்டு
இதே வீட்டில் தானே
தாம் தமது குழந்தைகளை எந்தவித
தொந்தரவும் இல்லாமல் நிம்மதியாக
வளர்த்து வருகிறோம்...
அப்பொழுது எமது குழந்தைகள்
இந்த வீட்டின் வம்சம் இல்லாமல்
வேறென்ன என்று
கோபம் கொண்டு
அவர்கள் மீது குதித்த போது அப்படி
பேசியவர்கள் ...
கொஞ்சம் பயந்து பின் வாங்க
ம்ம் இந்த பயம் இருக்கட்டும்
இனி இந்த வீட்டை கடக்கும் போது
வாய்க்கு வந்ததை எல்லாம்
பேசும் போது என்று
ஒரு செருமு செருமியதில்
அந்த மக்கள் அலறி அடித்து
ஓடுவதை அந்த வீடு கொஞ்சம் தம் பங்கிற்கு
திமிராக நோட்டமிட்டதை
அந்த காலம் மேலே இருந்து
ரசித்தது....
#அந்தவீட்டின்வம்சம்.
#இளையவேணிகிருஷ்ணா.
நாள் 25/08/24/ஞாயிற்றுக்கிழமை.
கருத்துகள் இல்லை:
கருத்துரையிடுக