நடுநிசி வேளையில் நீந்தி செல்லும் அந்த பறவைக்கு...

 

அதோ அங்கே

இந்த நள்ளிரவில்

ஏதோ சில காரணங்களால் 

தாமதமாக 

சற்றே சிரமத்தோடே

அதே சமயத்தில் கொஞ்சம் 

பயத்தோடு வானில் நீந்தி

செல்லும் அந்த பறவைக்கு

ஒரு மரத்தை மட்டும் உங்களால் காட்ட 

முடிந்தால் காட்டி விடுங்கள்...

அதிகாலை வேளை வரை

கொஞ்சம் ஓய்வெடுக்க...

அப்படி காட்ட முடிந்தால்

சற்றே உங்களுக்கு ஒரு

நிம்மதியான உறக்கமும்

இந்த நடுநிசியில் வரக் கூடும்..

யார் கண்டது

இங்கே நிம்மதியற்ற அந்த 

பறவையின் நிலை உங்களுக்கு கூட 

இதே நடுநிசியில் என்றேனும் 

வரக் கூடும்

அப்போது அந்த பறவையும் நன்றி 

உணர்வை வெளிப்படுத்தவும் கூடும்

தன் சிறகை சிலிர்த்தப்படி...

#வாழ்வெனும்பெரும்சுமை.

#இசைச்சாரல்வானொலி.

நாள்:02/11/23.

நேரம் முன்னிரவு 10:55.