வாழ்வின் சுவாரஸ்யங்கள்
நிச்சயமாக எதிர்ப்படும்
போராட்டத்தில் தான் உள்ளது !
அடுத்து என்ன அடுத்து என்ன
என்று ஓடிக் கொண்டே
இருக்க வைக்கிறது
இந்த மனநிலை....
இதை ரசித்து ஓடும் நிலை
இங்கே எனக்கு கொடுக்கப்பட்ட
வாழ்வியல் தேர்வுக்கான
வினாத்தாள் பேப்பர்...
நான் இங்கே
அனைத்து கேள்விகளுக்கும்
சுவாரஸ்யமாக
பதில் எழுதி விடுவேன்...
அதை நீங்கள்
ஏற்றுக் கொள்ளவில்லை
என்று எல்லாம்
மீண்டும் மீண்டும் அதை அழித்து
எழுத மாட்டேன்...
நீங்கள் போடும் மதிப்பெண்ணுக்காக
அதை நான் எழுதவில்லை...
எனக்கு இங்கே மதிப்பெண் கொடுக்க
நீங்கள் யார்?
அந்த பதிலை வாசித்து சிரித்து விட்டு
போங்கள் அல்லது
எரிச்சலாகி என் வினாத்தாளை
முடிந்தளவு தவறு என்று
அந்த பதில் மீது ஆயிரம் முறை
கிறுக்கி உங்கள் கோபத்தை
தீர்த்துக் கொள்ளுங்கள்..
அது பற்றி கவலை இல்லை
இங்கே எனக்கு..
முடிந்தவரை எனது வாழ்வெனும்
விடைத் தாளில் நான்
விரும்பும் வகையில்
பதில் இருக்க வேண்டும்
அவ்வளவே...
அதை தவிர உங்கள் மதிப்பெண்கள்
ஒன்றும் எனது வாழ்க்கையை
சுவாரஸ்யமாக ஆக்கி விட முடியாது
அதை மட்டும் இங்கே உறுதியாக
என்னால் சொல்ல முடியும்!
#இளையவேணிகிருஷ்ணா.
19/07/2023.
2:45பிற்பகல்..
கருத்துகள் இல்லை:
கருத்துரையிடுக